Ўзбекистон ноябрь ойида Австралия қитъасида Ливан ва Австралия билан ўйнайди
25 авг 2018 10:04
Янгиликлар

Ўзбекистон ноябрь ойида Австралия қитъасида Ливан ва Австралия билан ўйнайди

Эктор Купер бошчилигидаги Ўзбекистон терма жамоаси ноябрь ойидаги ФИФА кунларини Австралияда ўтказади.

Олинган маълумотларга кўра, Ўзбекистон терма жамоаси яшил қитъада Австралия ҳамда Ливан билан ўртоқлик учрашуви ўтказади. Ушбу жамоалар билан музокара кетаётгани ҳақида 17 август куни сайтимизда хабар бергандик: Ўзбекистон терма жамоаси ноябрда қитъа чемпиони билан ўйнаши мумкин

Ливан терма жамоаси бош мураббийи Миодраг Радулович хориж матбуотига берган интервьюсида ноябрь ойида Австралияга бориб мезбонлар ва Ўзбекистон терма жамоаси билан ўйнашлари ҳақида гапирган.

Ҳозирча ЎФА бу ўйинлар ҳақида расмий маълумот бергани йўқ. Маълумот учун, 12-20 ноябрь ФИФА кунлари сифатида қайд этилган.

Эслатиб ўтамиз, Ўзбекистон терма жамоаси сентябрь ойида Сурия ва Эрон, октябрь ойида Қатар ва КХДР билан ўртоқлик учрашувлари ўтказиши ҳақида олдинроқ хабар берилган эди.

Бу ўйинлар орқали терма жамоа 2019 йил январь ойида БААда бўлиб ўтадиган Осиё Кубогига тайёргарлик кўради.

Ҳавола :

Манба : championat.asia

Янгиликларни Телеграмда ўқинг!

Рейтинг: +83