Ўзбекистон миллий терма жамоаси собиқ футболчилари мураббийлик курсларида ўқиди
26 июл 2016 17:02
Янгиликлар

Ўзбекистон миллий терма жамоаси собиқ футболчилари мураббийлик курсларида ўқиди

Теглар : B лицензия

Шу йилнинг 2 – 22 июль кунлари Ўзбекистон Футбол Федерацияси ва Осиё Футбол Конфедерацияси ҳамкорлигида “В” тоифадаги мураббийлик лицензиясини қўлга киритиш учун махсус ўқув курслари ўтказилди.

Ўқув курсларини ОФК инструктори Ислом Аҳмедов олиб борди. Унга Ўзбекистон Футбол Федерацияси болалар, ўсмирлар ва оммавий футбол бўлими бошлиғи Шавкат Имомов ёрдам бериб борди.

Машғулотларда 23 нафар “В” лицензиясини қўлга киритишга номзодлар иштирок этди. Шуни ҳам алоҳида таъкидлаш керакки, ушбу ўқув курсларида Ўзбекистон миллий терма жамоасининг собиқ футболчилари Анвар Солиев, Виктор Карпенко, Асрор Алиқулов, Ҳайрулла Каримов ҳамда Анвар Ғофуров иштирок этди ва ушбу лицензияни қўлга киритди.