Ўзбекистон футзал терма жамоасининг Қозоғистонга қарши ўйинлар учун таркиби маълум
31 мар 2024 15:10
Янгиликлар

Ўзбекистон футзал терма жамоасининг Қозоғистонга қарши ўйинлар учун таркиби маълум

Хосе Венансио Лопес бошқарувидаги Ўзбекистон футзал миллий терма жамоаси 7-9 апрель кунлари Тараз шаҳрида Қозоғистон терма жамоасига қарши иккита ўртоқлик учрашуви ўтказади.

Олдинда турган баҳсларга режа асосида тайёргарлик кўриш мақсадида вакилларимиз 1 апрель куни Олмаота шаҳрида навбатдаги ўқув-машғулот йиғинларига киришади.

Бош мураббий томонидан 15 нафар футзалчи йиғинга жалб этилган: Равшан Элибоев, Фазлиддин Ботиров, Машраб Адилов, Ихтиёр Ропиев, Суннат Жўраев, Илҳом Ҳамроев, Дилшод Раҳматов, Ҳусниддин Нишонов, Элбек Тўлқинов, Акбар Усмонов, Аброр Аҳметжанов, Аббос Элмуродов, Мехрож Худойбердиев, Самариддин Беркинов, Суннатжон Анваров.