UZ

Сўнгги янгиликлар

01:22Каррагер "Ливерпул" трансферлари ҳақида: "Одатда бундай ишни "Реал" қиларди"  1 00:45Хулиан Альварес "Арсенал" билан ўйин олдидан: "Атлетико" исталган жамоани мағлуб эта олади"  0 00:15Ла Лига ўз футболчиларига таҳдид қилди  0 23:51Картабиа: "Ўтган йилдан фарқли равишда "Насаф" билан бошқа турнирда тўқнашамиз"  0 23:30ФОТОГАЛЕРЕЯ. Пролига. "Олимпик-MobiUz" – "Арал" 3:1  0 23:22ОФК Элит ЧЛ. "Тракторсози" меҳмонда 5 та гол урди, "Ал Иттиҳод" ҳам йирик ғалабани тантана қилди  0 22:48Рўзиқул Бердиев: "Эртанги ўйинга тўлиқ тайёрмиз"  7 22:32Паулу Соуза: "'Насафни яхши биламиз. Улар ҳозиргача кўпроқ очко тўплашга лойиқ эди"  0 22:19Аморим – сўнгги 5 мавсумда АПЛда "Ливерпуль" ва "Сити"ни меҳмонда мағлуб этган ягона мураббий  1 22:04Мундиалга тайёргарлик кўраётган Ўзбекистон U-17 Венесуэла билан дуранг ўйнади  1 21:46Неъматулла Қуттибоев: "Энди ҳар бир ўйин биз учун финалга тенг"  3 20:59Фарҳод Нишонов: "2:0дан сўнг йигитлар бироз бўшашишди"  0 20:36Суперлига. 26-тур учрашувларига ҳакамлар тайинланди  5 20:13Ҳарри Кейн орзусидаги жамоани тузди  17 20:04Рой Кин: "Агар "Манчестер Юнайтед" бугунгидек ўйнаса, Аморим яна 3 йил ишлайди"  0

Ўткир Юсупов: "Эрон билан ўйинда 1 очко ҳам яхши натижа, БААни эса мағлуб этмоқчимиз" Янгиликлар

Ўткир Юсупов: "Эрон билан ўйинда 1 очко ҳам яхши натижа, БААни эса мағлуб этмоқчимиз"

Ўзбекистон терма жамоаси ЖЧ-2026 учинчи саралаш баҳсларидан ўрин олган БААга қарши учрашувга тайёргарлик кўрмоқда.

Бугунги машғулотлар пайтида жамоамиз посбони Ўткир Юсупов ўтган ва бўлажак ўйин ҳақида ўз фикрларини билдирди.


— Эронга қарши ўйинга яхши тайёргарлик кўргандик, бироз омад етишмади. Бир очко киритганимиз ҳам яхши натижа, сабаби Эрон кучли ва таркибида кўплаб яхши ўйинчилар ҳаракат қилади. Бир киши кўп бўлиб ўйнаганимизда вазиятларимиздан фойдалана олмадик, агар ўшалар голга айланганда, ғалабага эришган бўлардик.


— Рейслар йўқлиги сабаб Эрондан Ўзбекистонга келишда муаммолар бўлгани ва машина орқали келишингизга тўғри келгани ҳақида хабарлар янгради.

— Биз 6 октябрда Табризда ўйин ўтказдик. Рейслар йўқлиги сабаб ўйиндан сўнг Арманистон орқали Бакуга бормоқчи эдим. У ерда чегара ёпиқлиги сабаб Туркияга боришга тўғри келди. Табриздан Ван шаҳрига 7 соат давомида машинада тоғлар оша бордим. Вандан аэропортга 2 соат йўл босдим. Ван аэропортида чипталарнинг бари сотиб бўлинган экан. Шу сабаб у ерда 6 соат кутишимга тўғри келди. Сўнгра Ван-Анқара рейси бўйича учдим. Анқара аэропортида 10 соат кутганимдан сўнг Тошкентга учиб келдим.

— Эрон билан ўйинда футболчиларимизда мураббийсиз руҳий ҳолат бироз яхши эмасдек кўринди ва ўйинимиз қовушмади. Ўйин давомида 1-2та вазият ярата олдик. БАА билан ўйинга тайёргарлик қандай кетмоқда? Мураббийнинг йўқлиги таъсир қилмайдими?

— Албатта, бош мураббийнинг ўз ўрни бор. Тайёргарлик яхши, йигитларда кайфият ажойиб, ҳамма жанговар ҳолатда. Эрон ҳимояга эътиборини қаратди ва унда яхши ўйнади, шунингдек кам яратган вазиятларимиздан фойдаланолмадик.

— Ўйиндаги ҳаракатларингиз ижобий эътироф этилди. "Фулад"даги жамоадошларингизнинг бу ҳақда фикрлари қандай? Улар билан гаплашдингизми?

— Ўйиндан сўнг "Фулад"даги жамоадошим Али Немати билан гаплашдик, у ҳам Эрон термаси сафида дебют қилди. У Ўзбекистонга илк келганини, шаҳар, стадион ва мухлислар ёққанини, шунингдек ўйин яхши ўтганини айтди.

— Бўлажак рақибимиз БАА сафида кўплаб маҳаллийлаштирилган ўйинчилар бор. Бу нарса БААни Эрондан ҳам кучли рақибга айлантирмайдими?

— Мен унчалик кузатмайман, аммо Жалол (Машарипов - СА) кўплаб бразилияликлар фуқаролик олганини айтди. Эртага уларни таҳлил қиламиз ва ўйинда мағлуб этиб, халқимизни хурсанд қилмоқчимиз.

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика