Ўсмирларимиз гуруҳдан чиқишса қайси жамоа билан тўқнаш келишади?

Кўпчилик ҳозирдан гуруҳдан чиққан жамоалар қайси гуруҳ вакиллари билан беллашади деган саволлар билан мурожаат қилмоқда.

Шу боис ўсмирларимиз иштирок этаётган "C" гуруҳида нечанчи ўринни олса қайси гуруҳдаги жамоага қарши ўйнаши ҳақида маълумот берамиз.

"C" гуруҳида биринчи ўринни олган жамоа Фужайра шаҳрида қолади ва "A", "B", "F" гуруҳларида учинчи ўринни олган жамоадан бирига қарши ўйнайди. Хабарингиз бор, бу жаҳон чемпионатида олти гуруҳдан тўрттасида учинчи бўлган жамоалар ҳам кейинги босқичга йўл олади. Шу боис, ҳозирдан қайси гуруҳ вакили бўлиши номаълум.

"C" гуруҳида иккинчи ўринни олган жамоа Шаржа шаҳрида "A" гуруҳида иккинчи бўлган жамоага қарши майдонга тушади. "A" квартетида Бразилия, Гондурас, Словакия ва БАА жамоалари бор.

"C" гуруҳида иккинчи ўринни жамоа агар энг яхши кўрсаткич қайд этган тўрт жамоадан бирига айланиб кейинги босқичга чиқса Абу Дабида "A" гуруҳи ғолибига қарши ўйнайди.