Сервер Жепаров бошчилигидаги Ўзбекистон U-15 Душанбега йўл олди
09 авг 2021 11:31
Янгиликлар

Сервер Жепаров бошчилигидаги Ўзбекистон U-15 Душанбега йўл олди

Хабарингиз бор, Ўзбекистон U-15 терма жамоаси 2023 йилги U-17 Осиё кубоги саралаш босқичи баҳсларига жиддий тайёргарлик олиб бормоқда.

Сервер Жепаров мураббийлиги остидаги ўсмирларимиз 2-8 август кунлари пойтахтимиздаги “Чиғатой” стадионида машғулот ўтказди.

Бугун U-15 терма жамоамиз Тошкент-Душанбе ҳаво рейси орқали Тожикистонга йўл олди. Ўсмирларимиз 9-14 август кунлари Душанбе шаҳрида ташкил этиладиган йиғин давомида Тожикистон U-15 терма жамоаси билан иккита халқаро ўртоқлик учрашувида майдонга тушади.

Мазкур ўртоқлик ўйинлари 11 ва 13 август кунлари Душанбедаги “Республика Марказий” стадионида бўлиб ўтади. Баҳслар юртимиз вақти билан соат 19.30 да старт олади.

Ҳавола :

Манба : ufa.uz

Янгиликларни Телеграмда ўқинг!

Рейтинг: +9