Осиёнинг энг яхши аёл мураббийи эркаклар жамоаси билан ғалаба қозонган

Чан Юэн Тинг аёл бўлишига қарамай, эркаклар жамоаси саналган "Истерн СК"ни Гонконг чемпионати ва Кубогида муваффақият сари бошлаб борган. Бундай натижага эришиш жаҳонда катта шов-шув келтириб чиқарди. У аёллар орасида биринчи бўлиб юқори дивизионда эркаклар жамоасини бошқарган мураббий сифатида тарихга кирганди. Энди эса муваффақиятга эришган аёл сифатида номини тарих саҳифаларига ёздирди.

- Бу мукофот мен учун сюрприз, чунки қачондир кун келиб бу ерда туришим ҳақида ўйламагандим. Бошқа номзодлар ҳам жуда яхши эди ва аёллар футболида ажойиб ишлашганди. Маросимга таклифнома олганимда совринни юта оламан деб хаёл қилмагандим. Мукофотни футбол клубига бағишлайман. Аёл мураббий учун эркаклар жамоасида ишлаш ҳайратланарли, шу сабабли "Истерн" клубига менга шундай имконият ва ишонч бергани сабабли раҳмат айтаман. Шу билан бирга мураббийлар штаби ва футболчилардан миннатдорман, - дея таъкидлади Юэн Тинг.