Осиё Кубоги-2019га қуръа ташлаш маросими 4 май куни Дубайда бўлади
24 мар 2018 16:49
Янгиликлар

Осиё Кубоги-2019га қуръа ташлаш маросими 4 май куни Дубайда бўлади

Теглар : Осиё Кубоги-2019 Қуръа

Келгуси йил 5 январь - 1 февраль кунлари БАА мамлакатида Осиё Кубоги мусобақаси бўлиб ўтади.

Қитъа чемпионатида илк бор 24та терма жамоа иштирок этади. Ушбу Осиё Кубогига 4 май куни қуръа ташлаш маросими бўлиб ўтади. Дубай шаҳридаги "Armani Hotel" меҳмонхонасида 24та жамоа гуруҳларга ажратилади.

Терма жамоалар ўша пайтдаги ФИФА рейтинги бўйича 4та саватчага бўлинади. Мезбон БАА ФИФА рейтингидаги ўрнидан қатъи назар 1-саватчада бўлади.

Ҳозирга қадар Осиё Кубоги финал босқичига чиққан 21та жамоаниннг номи маълум: БАА, Қатар, Жанубий Корея, Япония, Таиланд, Саудия Арабистони, Австралия, Ўзбекистон, Эрон, Сурия, Ироқ, Хитой, Ҳиндистон, Ливан, Иордания, Вьетнам, Фаластин, Уммон, Баҳрайн, Туркманистон, Қирғизистон.

Қолган 3та жамоа номи 27 март куни бўлиб ўтадиган саралаш ўйинларидан сўнг маълум бўлади.