Ushbu sahifada taqdirlash marosimining barcha tafsilotlarini kuzatib borish mumkin bo'ladi.
16:30. Taqdirlash marosimi boshlandi.
Bugungi g'oliblarga mana shu sovrinlar topshiriladi.
16:32. Tailand milliy cholg'u asboblari bilan qo'shiq yig'ilganlarga taqdim etildi.
FIFA prezidenti Janni Infantino ham shu yerda
16:36. Ekranda 2017 yilgi OFK bayrog'i ostida o'tgan musobaqalar eslab o'tilmoqda.
Yilning eng yaxshi futbolchisi bo'lish uchun nomzodlar Umar Xarbin va Umar Abdulrahmon
Yilning eng yaxshi futbolchisi bo'lish uchun nomzod Vu Ley
16:38. Marosim boshlovchilari yig'ilganlarni bugungi tadbir bilan qutlashmoqda.
16:44. Dastlabki sovrin "Osiyo Olmosi" BAA futbol assotsiatsiyasi prezidenti Yusuf Al Serkalga topshirildi.
16:52. Bu yilgi "Osiyo orzusi" sovrini Yaponiya futbol assotsiatsiyasiga nasib qildi.
Qolgan ikki nomzod: Xitoy futbol assotsiatsiyasi va Singapur futbol assotsiatsiyasi
16:55. "Eng yaxshi assotsiatsiya" sovrini uchta yo'nalishda o'z egalariga topshirildi:
Intiluvchan yo'nalishda: Afg'oniston futbol assotsiatsiyasi
Rivojlanayotgan yo'nalishda: Vetnam futbol assotsiatsiyasi
Ilhomlantiruvchi yo'nalishda: Eron futbol federatsiyasi
17:06. "Ommaviy futbol rivojiga qo'shayotgan hissasi uchun OFK prezidenti sovrini" ham uchta yo'nalishda topshirildi:
Intiluvchan yo'nalishda: Butan futbol federatsiyasi
Rivojlanayotgan yo'nalishda: Singapur futbol assotsiatsiyasi
Ilhomlantiruvchi yo'nalishda: Xitoy futbol assotsiatsiyasi
17:11. "Yilning eng yaxshi ayollar murabbiyi" sovrini Yaponiya terma jamoasi bosh murabbiyi Asako Takakuraga topshirildi.
Qolgan ikki nomzod: Gao Xong (Xitoy) va Letesia Bautista (Filippin)
17:14. "Yilning eng yaxshi erkaklar murabbiyi" sovrini "Urava Red Daymonds" bosh murabbiyi Takafumi Xoriga topshirildi.
Qolgan ikki nomzod: Ange Postekoglu (Avstraliya) va Ishii Masatada (Yaponiya)
17:20. FIFA va OFK prezidentlari keyingi yil Rossiyada o'tadigan mundialga chiqqan beshta Osiyo terma jamoalariga maxsus sovrinlar topshirishdi.
17:21. "Yilning eng yaxshi futzalchisi" sovrini qatorasiga ikkinchi yil eronlik Ali Asqar Hassanzodaga topshirildi.
Qolgan ikki nomzod: Touhid Lutfi (Eron) va Jiravat Sornvichian (Tailand)
17:23. Yana shunday yo'nalishlar borki, bunda ham g'oliblar aniqlandi, biroq sovrin katta gala-koncertda o'z egalariga berilmaydi, faqat keyinroq taqdim etiladi.
OFK hakamlari uchun maxsus sovrin o'zbekistonlik FIFA hakami, plyaj futboli hakami Baxtiyor Namozovga beriladigan bo'ldi. 
"Yilning eng yaxshi yosh ayol futbolchisi": Sung Xyang Sim (KXDR)
"Yilning eng yaxshi yosh erkak futbolchisi": Li Syong Vu (J.Koreya)
"Yilning eng yaxshi legioner futbolchisi": Son Xyong Min (J.Koreya)
17:32. "Yilning eng yaxshi ayol futbolchisi" sovrini avstraliyalik Samanta Kerr xonimga nasib qildi.
Qolgan ikki nomzod: Sung Xyang Sim (KXDR) va Kumagai Saki (Yaponiya)
17:35. "Yilning eng yaxshi erkak futbolchisi" sovrini Suriya terma jamoasi va "Al Hilol" klubi hujumchisi Umar Al Xarbinga nasib qildi.
Qolgan ikki nomzod: Vu Ley (Xitoy) va Umar Abdulrahmon (BAA)
