Осимхен захирага олинганидан норози

А Серия 5-тури доирасида "Болонья" билан ўйинда (0:0) ҳужумчи 73-дақиқада пенальтидан фойдалана олмади ва 86-дақиқада унинг ўрнига Жованни Симеоне майдонга туширилди. Нигериялик майдонни эҳтирослар билан тарк этди. Аввалроқ 76-дақиқада мураббий Хвича Кварацхелияни захирага олганди ва Элиф Эльмас ўйинга қўшилганди.

DAZN мухбирларининг маълум қилишича, Осимхен майдонни тарк этаётганда француз тилида бош мураббий Руди Гарсияга норозлигини очиқ намойиш қилган ва ғалаба учун иккита ҳужумчи биргаликда ҳаракат қилиши керак эди, деган.