“Орзулар терма жамоаси”. 2-сон. Хайрулла Ҳамидов
22 ноя 21:55
Янгиликлар
“Орзулар терма жамоаси”. 2-сон. Хайрулла Ҳамидов
Унинг навбатдаги қисми эса таниқли футбол шарҳловчиси ва яқиндан бошлаб “UzReport” телеканалида фаолият олиб бораётган Хайрулла Ҳамидовнинг талқинига кўра тайёрланди.
“Орзулар терма жамоаси” – 11 нафар асосий таркиб ўйинчиси, 5 захира аъзоси ҳамда бир мутахассисдан ташкил топади. Жаҳон жамоаси 1990-йилдан бошлаб, Ўзбекистон термаси эса 1992-йилдан то ҳозирги вақтга қадар фаолият олиб борган ва бораётган футболчи ҳамда мураббийлардан иборат бўлади.
“Орзулар терма жамоаси” (жаҳон)
Схема: 4-4-2
Дарвозабон – Жанлуижжи Буффон;
Ҳимоячилар – Филипп Лам, Фабио Каннаваро, Серхио Рамос, Роберто Карлос;
Ярим ҳимоячилар – Зинедин Зидан, Хави, Стивен Жерард, Роналдиньо
Ҳужумчилар – Лионель Месси, Криштиану Роналду.
МУРАББИЙ: Сэр Алекс Фергюсон
Захирадагилар: Павел Недвед, Луиш Фигу, Дэвид Бекхэм, Рауль Гонсалес, Роналдо (феномен).
P.S. Хайрулла Ҳамидовнинг ўзбекистонлик футболчилардан тузган рамзий термаси эса яқин вақтлар ичида сайтимиз орқали эълон қилинади. Бизни кузатишда давом этинг.
Эслатиб ўтамиз, лойиҳанинг илк сони Даврон Файзиевга аталганди.
“Орзулар терма жамоаси” (жаҳон). 1-сон. Даврон Файзиев.
“Орзулар терма жамоаси” (Ўзбекистон). 1-сон. Даврон Файзиев.
Ўхшаш янгиликлар
championat.asia
ЛаЛига. "Барселона" "Аноэта"да 2 очко йўқотди
АПЛ. "Ливерпуль" Салоҳнинг голлари эвазига "Уотфорд"ни мағлуб этди
Карикатура: ЕЧЛ қуръасидан кималар кутяпсиз?
Суперлига-2019. Мавсумнинг энг чиройли голлари ТОП-30 (овоз беринг)
Фикрлар
Роппа-роса 5 йил аввал — 2014 йилнинг 22 ноябрь куни аргентиналик футболчи "Севилья"га қарши ўйинда "дубл"га эришган эди. Ўшандан бери Лионель рақиблар дарвозасини 174 марта ишғол қилди. Европанинг топ-5 чемпионатларида ўйнаётган футболчиларнинг ҳеч бири бу натижага яқин кела олмаган.
Futbolimizda texnik tomonlama kuchli va iqtidorli futbolchilar doimo topilgan. O’zbek futboli hujumkorlik “ramkasi” asosida shakllantirib kelingan. Bunda asosiy urg’u to’p bilan ishlash va o’yinni nazorat qilish kabi jihatlarga qaratilgan. Ammo so’nggi yillarda jamoalarimizda shu narsalar “defisit” bo’lib bormoqda. Bu esa o’z navbatida milliy terma jamoamizga ham o’z ta’sirini o’tkazmay qolmayapti. Bundan 5 yil avval kuchsiz jamoalarga qarshi o’yinlarda jamoamiz o’yinni 90 daqiqa nazorat qila olar va istagan paytda raqib jarima maydonida shturm uyushtira olardi. Hozirda esa vaziyat o’zgardi, futbolimizda kreativlik pasaymoqda, to’pni va o’yinni nazorat qilish barqaror emas, himoyadan hujumga o’tishda uzilishlar ko’p uchramoqda, tezlik ham avvalgidek shiddatli emas. Babayan davrida bu muammolarning yechimi Rashidov va Ahmedov tandemi edi. KXDRga qarshi Toshkentdagi bahsni yodga oling, Sardor va jamoamiz sardori o’sha o’yinda chinakamiga porlashgandi. Bizga hozir Sardor Rashidovga o’xshagan futbolchi kerak: kreativ, tezkor va aqlli vinger.
Vingerlik
Vingerlarda bo’lishi kerak bo’lgan eng muhim jihatlar Sardor Rashidovda uyg’unlashgan. Nostandart qarorlar, kuchli zarbalar, aqlli paslar va tavakkaldan cho’chimaslik kabi hislatlar Rashidovni hamon milliy terma jamoada qumsashimizga sabab bo’lmoqda. Uning “Qatar SK”dagi gollari va gollarga hammualliflik qilishi esa biz uzoq kutgan yaxshi signal. Pozitsiya tanlash va ochilishda ham unda muammolar yo’q, kutilmagan hududda paydo bo’lishi esa raqib himoyasini doim xushyorlikda ushlaydi.
O’yin davomida sof vinger qilishi kerak bo’lgan bir necha funksiyalarni maksimum bajarishga intiladi. Jamoasi nisbatan kuchli klublarga qarshi o’ynaganda, Rashidov – “Qatar SK”ning qarshi hujumdagi eng asosiy figurasiga aylanadi. Agarda jamoa o’yinni birinchi raqam ostida o’tkazadigan bo’lsa, Rashidov sof hujumchi pozitsiyasida ham ko’p ko’rinish beradi va albatta, bu universallik - jamoaning gol urishi uchun katta yordam beradi.
Terma jamoa
Aslida Rashidovning potensiali Yevropaning o’rtamiyona klublariga bemalol tortadi, ammo u biroz dangasaligi va qaror chiqarishdagi kichik xatosi sabab hozir Qatarda to’p surmoqda. Ammo shunday bo’lsa-da, u hozir Abramovga kerak. So’nggi 2 o’yinda O’zbekistonning eng kuchli tomoni deya qaralayotgan qanotlar yaxshi ishlamadi, Masharipov o’yin davomida kichik epizodlarning ko’pini yutqazdi, balki u yanvar oyidan buyon tanaffussiz to’p tepayotgani o’z ta’sirini o’tkazgandir. Hamdamov esa biz kutganchalik faol bo’lmadi. Nazarimizda Vadim Abramov hech bo’lmaganda Falastinga qarshi o’yinda Rashidovning imkoniyatlarini ko’rib olishi kerak edi.
Jamoa va ma’suliyat
Jizzaxlik futbolchi faoliyati davomida 4 ta chempionatda to’p tepishga ulgurdi. 4 xil mamlakat futbolini ko’rdi va hatto, gollar urdi, jamoasining, o’yinning eng yaxshi futbolchisi deb topildi. Bu uni jamoada yetakchi bo’lishga intiluvchan ekanligini va kerak paytda jamoa yukini o’z zimmasiga ola bilishini ko’rsatadi. Bunday hislatga ega futbolchilar barcha jamoalarda qadrlangan. Shunday ekan, biz ham Rashidovning qaytishiga ishonamiz, u bahorda milliy terma jamoamizga yangi kuch, yangi motivatsiya va yangi maqsadlar bilan qaytadi...