“Орол”да янгиликлар бисёр…

Аммо жамоанинг молиявий аҳволига сўнги йилларда ҳавас қилиб бўлмай қолди. Эндиги мавсумга жамоа қай даражада тайёргарлик кўраётганлиги борасида қизиқдик ва жамоа расмийлари билан боғланишга муваффақ бўлдик.

Жамоа бу мавсумда ҳам биринчи лигада Қорақалпоғистон Республикаси номидан иштирок этади ва албатта Қорақалпоғистон Республикаси шарафини муносиб ҳимоя қилишга интилади.

Клубга келди-кетдилар борасида хозирча аниқлик киритилмаган. Лекин шуниси маълумки, жамоа кўригида бир қатор футболчилар бор. Хозирда жамоанинг бир қатор футболчилари олий лиганинг кўплаб жамоалари кўригида бўлса, бошқалари Қорақалпоғистон биринчилигида иштирок этишмоқда.

Жамоанинг келгуси режалари билан ўртоқлашганимизда, яқин кунларда Тошкентга сафар қилиниб, ПФЛ кубогида иштирок этиб қайтишни режа қилинганлиги ҳақида айтишди.

Жамоадаги келгуси янгиликларни сайтимиз орқали кузатиб боринг.

Иброҳимжон Солихонов тайёрлади.