Ўргимчак-камера АПЛда дебют қилди
19 янв 2017 17:43
Янгиликлар

Ўргимчак-камера АПЛда дебют қилди

Бир неча кун олдин ўргимчак-камерадан Англия Премьер-лигаси тарихида илк маротаба фойдаланилишини эълон қилган эдик.

Ушбу воқеа "Манчестер Юнайтед" ҳамда "Ливерпуль" ўртасидаги Англия чемпионатининг 21-тур баҳсида содир бўлди.

SkySports телеканали мутахассислари ўргимчак-камера трансляция давомида бошқа камералар нигоҳига тушиб қолмаслигига ҳаракат қилишди ва буни уддалашди. Аммо кадрда ушбу камера "саёхат" қиладиган симлар баъзида кўзга ташланди.

ЎРГИМЧАК-КАМЕРА ЁРДАМИДА ОЛИНГАН КАДРЛАР

Ушбу технология Америкадаги баъзи спорт турларида мунтазам қўлланиб келинади. Аммо бундай баландликдаги технология учун стадионлар ҳам мос бўлиши керак.

Милнер пенальтидан Давид Де Хеа дарвозасига урган гол пайтида ўргимчак-камера катта фойда берди. Телевизорлар ортидаги мухлислар ўзларини худди майдонда тургандек ҳис қилди. Ушбу технология кўпчиликда яхши таассурот қолдирди.