"Оқ-тепа": Хислат Усмонов жарроҳлик столига ётади

Хислат ушбу мавсумнинг биринчи босқич, 21-тур, “Истиқлол”га қарши учрашувда оёғидан жароҳат олган эди. Бир нечта турни майдондан ташқарида ўтказиб юборган Усмонов мавсумнинг сўнгги турлари арафасида ўтказилган машғулотларнинг бирида жароҳатини янгилаб олди. Шундан сўнг маълум муддат даволанган ярим ҳимоячи жароҳатдан тўлалигича фориғ бўлиш учун жарроҳлик столига ётадиган бўлди.

Операция шу ҳафта ўтказилади. Биз футболчига мазкур операцияни муваффақиятли ўтказишини ва яна майдонга қайтиб, фаолиятини давом эттиришини тилаб қоламиз!