“Оқ-тепа”: Махтаорол” билан дуранг ўйнадик

Қозоғистон чемпионатининг 1-лигаси вакили “Махтаорол”га қарши ўйин 2:2 ҳисобидаги дуранг билан якунланди. Ҳисобни меҳмонлар очишди. Иккинчи бўлимнинг илк дақиқаларида захирадан майдонга тушган Дилмуҳаммад Худойбердиев ҳисобни тенглаштирди. Орадан кўп ўтмай меҳмонлар иккинчи марта дарвозамизни ишғол этишди. Сўнгги дақиқаларда “Оқ-тепа”нинг тажрибали ҳужумчиси Маъруф Аҳмаджонов жамоамизнинг иккинчи голини урди. Мазкур жамоалар 17 февраль куни яна бир бор ўртоқлик учрашувида майдонга тушишади.

Бугунги учрашувдан кейин бир қатор футболчиларга жавоб берилди. Қолган ўйинчилар эса, икки кунлик таътилга чиқишди.

Назорат учрашуви
ОҚ-ТЕПА – МАХТАОРОЛ (Қозоғистон) – 2:2 (0:1)
11 февраль. Тошкент. “Оқ-тепа” стадиони.
Бош ҳакам: Вадим Агишев.
“Оқ-тепа”: Акмал Турсунбоев, Асилжон Мансуров, Марат Қудратов, Акбар Саттаев, Дилшод Исоқулов, Сардор Соибов, Элдор Эргашев, Суҳроб Саримсоқов, Илдар Магдеев, Нодирбек Тешабоев, Берумий Абдунабиев.
Захирадан тушганлар: Ислом Ёқубов, Шаҳзод Ғофурбеков, Дилмуҳаммад Худойбердиев, Владислав Павловский, Абдужалил Ҳасанов, Маъруф Аҳмаджонов, Зокир Мирзааҳмедов, Жўрабек Собиров.
Голлар: Дилмуҳаммад Худойбердиев, Маъруф Аҳмаджонов.