Биринчи давранинг сўнгги учрашувида турнир жадвали пешқадами “Косонсой”ни қабул қилиб, ҳакам томонидан қўшиб берилган дақиқаларда урилган гол эвазига ғалаба қозониб, танаффусга биринчи ўрин билан чиқиб кетган жамоамиз кечадан иккинчи давра ўйинларига тайёргарликни бошлаб юборди.
“Косонсой” билан бўлган беллашувдан сўнг жамоа аъзолари икки кунлик таътилга чиққанди. Кеча тушдан сўнг футболчилар “Оқ-тепа” ўқув-машғулот базасида жам бўлишди ва машғулотларни бошлаб юборишди.
Эслатиб ўтамиз, жамоамиз 26 май куни иккинчи давранинг биринчи учрашувида “Косонсой” меҳмони бўлади.