"Олтин куз" мусобақасининг иккинчи кун натижалари

Мазкур мусобақа ўтган йил илк марта ташкил этилган ва бир қатор қувончли воқеаларга бой бўлганди. Бу сафар иккинчи бор ўтказилаётган турнирда жами 20та жамоа иштирок этмоқда. 

Тошкент шаҳар ихтисослаштирилган болалар-ўсмирлар спорт мактаби залида ташкил этилаётганган фестивалда бугун иккинчи кун учрашувлари бўлиб ўтди. Кун давомида жами 10та ўйин ўтказилди. 

Эндиликда бундай мусобақалар Ўзбекистон футбол федерацияси ва Тошкент шаҳар футбол федерациясининг ўзаро ҳамкорлигида ташкил қилинади. "Олтин куз" футбол фестивалининг бош ҳомийси "ChaCha" савдо белгиси. 

Ушбу мусобақа фестивал бўлгани учун жамоаларнинг очкоси ҳисобланмайди, бундан кўзланган мақсад ҳеч кимнинг хафа бўлмасдан ўйин амалиётига эга бўлиши ва болакайларнинг футболдан роҳат олишларини таъминлашдир. 

Қуйида иккинчи кун натижаларини келтириб ўтамиз.

2009 йилда таваллуд топганлар 

“Junior Football” – “Дўстлик“ 1:2

"Спартак" - "Металлург" 4:0

БЎСМ-16 – “Спартак-2” 2:2

“Пахтакор” - “Насаф-2” 2:3

“Мега Спорт” - “Насаф” 0:1 

“Odil Junior” - “Қўқон-1912” 7:6

2010 йилда таваллуд топганлар

"Локомотив-Бойсун" - "Локомотив-Б" 1:1 

"Қўқон-1912" - "Локомотив-А" 4:5 

"Бунёдкор" - ИБЎСМ 1:1

"Истиқлол" - "Мега Спорт" 1:3

Эртага учинчи кун учрашувлари ўтказилади ва шу билан навбатдаги мусобақага якун ясалади. Турнир якунида барча иштирокчи жамоаларга медаллар ва кубок топширилади.