"Олмалиқ": Бугун ва эртага иккита ўйин ўтказамиз
11 фев 2014 12:05
Янгиликлар

"Олмалиқ": Бугун ва эртага иккита ўйин ўтказамиз

Кечадан "Олмалиқ" пойтахтда ўқув-машғулот йиғинларини давом эттира бошлади. Икки кунлик ҳордиқдан сўнг, жамоа аъзолари Ўзбекистон меҳмонхонасида тўпланишди.

Жамоанинг кечки машғулотларига ўтган мавсум "Чуст-Пахтакор" шарафини ҳимоя этган дарвозабон Акмал Ортиқов қўшилди. Чилонзор сунъий қопламали майдонида ўтаётган машғулотлар 14 февралга қадар давом этади.

Бугун жамоамиз иккита учрашув ўтказадиган бўлишди. Дастлаб соат 10:00да "Обод" футбол клубига тегишли сунъий қопламали майдонда "Бухоро" билан назорат баҳси ўтказилса, соат 13:30да шу майдонда мезбон жамоага қарши ПФЛ кубоги турнирининг гуруҳдаги илк ўйини ўтади. Аслида бу учрашув ЎФФ қошидаги майдонда ўтиши лозим эди. Майдон қордан тозаланмаганлиги сабаб ўйин "Обод" стадионига кўчирилди.

12 февраль куни Ғузорнинг "Шўртан" жамоаси билан назорат ўйини ташкил этилади. Учрашув соат 12:00да Чилонзордаги сунъий қопламали майдонда бўлиб ўтади. 13 февралда ПФЛ кубоги турнири доирасида 2-тур ўйини "Бунёдкор" жамоасига қарши ўтади.

Ҳавола :

Манба : fc-olmaliq.uz

Янгиликларни Телеграмда ўқинг!

Рейтинг: