Олийжаноб Халк ҳақида!
15 янв 2016 17:53
Янгиликлар

Олийжаноб Халк ҳақида!

Теглар : Халк Зенит

"Зенит"нинг бразилиялик легионери Халк кеча Алиси исмли қизчани асраб олди.

Бу ҳақида у ўз инстаграмида маълум қилди.
Эндиликда Халк ва унинг Ираннинг оиласида уч нафар фарзанд бўлди. Алисидан ташқари уларнинг Иан ва Тиаго исмли фарзандлари ҳам бор.

Халк бунгача сентябрь ойида бўлиб ўтган хайрия ўйинида ҳам иштирок этишга улгурганди. Ушбу хайрия ўйинидан мақсад - Питербургда яшовчи лейкоз касаллиги билан оғриган Артём Двуреченскихнинг даволаниши учун маблағ йиғиш эди. Бразилиялик футболчи ўз ваъдасини бажарди ва Невский кўчасида қўшиқ айтиб суратга тушди. Ана шундан сўнг унинг даволаниши учун етарли маблағ тўпланганди.

Бундай акциялар Халкнинг таътил вақтидаги асосий режаларидан бири ҳисобланади.

Декабрдаги хайрия ўйини

2015 йилнинг 26 декабрида Халк аралаш қоидали жангчи Антонио Сильва билан Бразилиянинг Кампина - Гранди номли шаҳарчасида хайрия ўйини ташкил қилган.
Ушбу ўйинни томоша қилишни истовчилар ўзлари билан 2 кг егулик олиб келишлари керак бўлган. Ушбу егуликлар очларга ёрдам сифатида берилган.

"Ice Bucket Challenge" номли акцияда иштирок этган.

Ёдингизда бўлса, 2014 йилнинг ёзида бутун дунё бўйлаб "Ice Bucket Challenge" номли акция ташкил қилинганди. Ушбу акциянинг шарти устидан муздек сув қуйиш бўлган.