Олий Лига клублари вакиллари лицензиялаш бўйича семинарда иштирок этишади
24 фев 2014 13:08
Янгиликлар

Олий Лига клублари вакиллари лицензиялаш бўйича семинарда иштирок этишади

26-27 февраль кунлари Тошкентдаги Miran International меҳмонхонасида ОФК клубларни лицензиялаш бўйича Олий Лига клублари учун семинар ўтказилади.

26 февраль куни очиладиган семинарда Олий Лига клублари масъулларига ҳужжатларни расмийлаштириш, инфразутилма бўйича талаблар, молиявий масалаларни юритиш, маркетинг йўналиши бўйича кўникмалар берилади, иштирокчиларнинг саволларига жавоб берилади.

Машғулотларни ОФК вакиллари Маҳажан Васудеван Наир (Ҳиндистон), Онг Чонг Ҳенг (Малайзия), шунингдек, ЎзПФЛнинг лицензиялаш бўйича менежери Алексей Фролов, маркетинг бўлими бошлиғи Алишер Мўминов олиб боради.

27 февраль куни эса ЎзПФЛнинг лицензиялаш қоидалари юзасидан, ЎзПФЛ раҳбарияти ва ОФК вакиллари иштирокида, маслаҳатлашувлар бўлади. Семинар ўз ишини шу куни якунлайди.

Ҳавола :

Манба : pfl.uz

Янгиликларни Телеграмда ўқинг!

Рейтинг: