olamsport.com: Тўрт боксчимизнинг барчасида олтин

Бугун тўрт нафар чарм қўлқоп устамиз мусобақанинг олтин медаллари учун рингга кўтарилиши керак эди.

Ҳозиргина якунига етган Элшод Расуловнинг жанги билан ҳамюртларимизнинг бугунги иштироки якунланди. Қувонарлиси, бугун тўрт нафар чарм қўлқоп устамизнинг барчасида рақибларини мағлубиятга учратиб, шохсупанинг энг юқори поғонасига кўтарилишди.

Хушхабар. Тўрт боксчимизнинг барчасида олтин

Аввалига Ҳасанбой Дўсматов -49 кг вазн тоифасида филиппинлик Роген Ладонни мағлубиятга учратди. Шундан сўнг, -52 вазн тоифасида юртимиз шарафини ҳимоя қилган Шаҳобиддин Зоиров хитойлик Жиангуан Худан устун келди.  

-69 кг вазндаги боксчимиз Шаҳрам Ғиёсов таиландлик Сайлом Ардини енгди. Терма жамоамизнинг энг тажрибали боксчиси, -81 кг вазндаги Элшод Расулов эса азалий рақиби қозоғистонлик Адилбек Ниязимбетовни 2:1 (28:29, 29:28, 29:28) ҳисобида мағлубиятга учратди.

Қолган боксчиларимиз эртага финал жангларида иштирок этишади. Эртага Баҳодир Жалолов, Рустам Тўлаганов ҳамда Ёдгорой Мирзаевалар олтин медал учун рингга чиқишади.

ЭРТАНГИ ФИНАЛ ЖАНГЛАРИ:

-52 кг: Ёдгорой Мирзаева – Канкан Рен (Хитой)

-91 кг: Рустам Тўлаганов – Фенгкай Ю (Хитой)

+91 кг: Баҳодир Жалолов – Иван Дичко (Қозоғистон)