Olamsport.com: Breaking news. Мария Шараповадан допинг топишди
08 мар 2016 10:18
Янгиликлар

Olamsport.com: Breaking news. Мария Шараповадан допинг топишди

Сайёрамизнинг собиқ биринчи рақамли теннис маликаси россиялик Мария Шарапованинг қон таркибида тақиқланган модда борлиги аниқланди.

Бу ҳақида теннисчининг ўзи АҚШда ташкил этилган махсус матбуот анжуманида хабар берди.

Халқаро теннис федерацияси (ITF) Шараповага мактуб йўллаб, Australian Open мусобақаси доирасида ундан олинган допинг-таҳлил натижаси салбий натижа берганини маълум қилган. Мариянинг ўзи бир неча йил мобайнида милдронат номли препарат истеъмол қилганлигини тан олган.

Бу модда 2016 йилдан Халқаро антидопинг (WADA) ташкилоти томонидан тақиқланган препаратлар қаторига киритилган. Шунингдек, Шарапова унга тақиқланган моддалар рўйхатини жўнатишгани, лекин унга қарамаганлигини ҳам қўшимча қилди.

Қолган хабарлар билан Olamsport.com сайтида танишиб олиш мумкин.