Оквара Годвин Чика: “Бугун голларим билан жамоамга ғалаба келтирганимдан хурсандман”
21 ноя 2021 17:10
Янгиликлар

Оквара Годвин Чика: “Бугун голларим билан жамоамга ғалаба келтирганимдан хурсандман”

Суперлиганинг 25-туридан ўрин олган “Машъал” – “Қизилқум” (2:1) учрашувидан сўнг мезбонлар футболчиси Оквара Годвин Чика ўз фикрларини билдириб ўтди.

Годвин Чика икки маротаба “Қизилқум” дарвозасини ишғол қилган ҳолда жамоасига қимматли бўлган уч очкони қўлга киритди.

“Бугун ғалаба қозонмасак бўлмасди. Чунки турнир жадвалидаги ҳолатимиздан келиб чиқиб, ўз майдонимизда ғалаба қозонишимиз лозим эди. Биз эса буни уддасидан чиқдик ва муҳим бўлган ғалабага эришдик. Ўйиндан олдин бош мураббий менга ишонч билдирди ҳамда мени майдонга туширди. Мен эса голларим орқали мураббийнинг ишончини оқлаганимдан хурсандман.

Бугун иккита гол урганимдан хурсандман. Бироқ мен учун голлар муҳим эмас. Асосийси жамоамиз ғалаба қозонса бўлди. Охирги ўйинларда жароҳат олганим туфайли жамоамга тўлиқ куч билан ёрдам бера олмаётгандим.

“Машъал” билан шартномам муддати икки йилга мўжалланган. Бироқ келгусида бу жамоада қолиш-қолмаслигимни билмайман. Барчасига мавсум якунига етганидан сўнг аниқлик киритилади”, - дея сўзини якунлади Оквара Годвин Чика.

Ҳавола :

Манба : championat.asia

Янгиликларни Телеграмда ўқинг!

Рейтинг: +5