ОК-2023. 1-турнинг энг яхши футболчиси - Такуми Минамино
17 янв 2024 16:42
Янгиликлар

ОК-2023. 1-турнинг энг яхши футболчиси - Такуми Минамино

Кеча, 16 январь куни Қатарда бўлиб ўтаётган Осиё Кубоги-2023да дастлабки тур беллашувлари ўз ниҳоясига етди.

"Championat.asia" сайти ижодкорлари 1-турнинг энг яхшилари ва рамзий терма жамоасини тузиб чиқишди. Бирин-кетин энг яхшиларни эълон қилишда давом этамиз.

Сайтимиз ижодкорлари томонидан Япония терма жамоаси ҳужумкор ярим ҳимоячиси Такуми Минамино биринчи турнинг энг яхши футболчиси деб топилди. Япония Вьетнамга қарши учрашувда дастлаб айнан Минаминонинг голи эвазига олдинга чиқиб олди. Кейин эса иккита стандарт вазиятдан гол ўтказиб юборди. Бир қарашда японлар 1-бўлимни мағлуб ҳолда тугатадигандек кўринган паллада 29 ёшли Такуми аввалига 45-дақиқада дублини расмийлаштирди, 45+4-дақиқада эса Накамуранинг голига ассист берди. Минаминонинг сай-ҳаракатлари эвазига японлар биринчи 45 дақиқаликни ўзида камбэкни амалга оширишди.

Япония

Такуми Минамино - 11', Такуми Минамино - 45', Кейто Накамура - 45', Аясэ Уэда - 85'

Кубок Азии. Группа D . 1-тур

14/01/2024, 16:30

Тугади

Вьетнам

Bac Dinh Nguyen - 16', Tuan Hai Pham - 33'

Стадион: Al Thumama Stadium, 17385 томошабин

45'

90'

Матч-центрда очиш

"Монако" аъзоси шу тариқа деярли барча статистик порталларда ўша учрашувнинг энг яхши ўйинчиси деб топилди. Биз ҳам 2та гол ва битта ассист қайд этган Минаминони ОК-2023 1-турининг энг яхши футболчиси деб топдик.