ОФК йирик халқаро мусобақалар учун ребрендинг ташкил этди
04 янв 2021 13:53
Янгиликлар

ОФК йирик халқаро мусобақалар учун ребрендинг ташкил этди

ОФК баъзи мусобақалар логотипини ўзгартиришга қарор қилди.

Бу дегани ушбу йилдан бошлаб ОФК байроғи остида ўтказиб келинадиган олтита йирик мусобақанинг янгича рамзларини кўрамиз. Гап Осиё Кубоги, жаҳон чемпионати саралаш босқичи, Осиё чемпионлар лигаси, U-23 Осиё чемпионати, ОФК аёллар Осиё Кубоги ва ОФК Кубоги ҳақида боряпти.

ОФК расмий сайтида ёзилишича, янги рамзлар яқин йилларда барча стадионлар, телевизион компаниялар, ижтимоий тармоқлар бўйлаб тарқалади. Мазкур логотиплар устида 15 ой давомида иш олиб борилди ва ОФК Ижроия қўмитаси томонидан маъқулланди.