ОФК Lagardere ўрнига бошқа ҳамкор топди
31 окт 2018 17:10
Янгиликлар

ОФК Lagardere ўрнига бошқа ҳамкор топди

Теглар : ОФК DDMC Fortis

Ривожланиш сари дадил қадам ташлаётган ОФК янги компания билан шартнома имзолади.

2021 йилдан бошлаб Осиё қитъасидаги барча халқаро ўйинлар (клублар ва терма жамоалар миқёсида) ТВ трансляцияси ҳуқуқи DDMC Fortis компаниясига тегишли бўлади. Ушбу компания ОФК билан 8 йиллик шартнома имзолади. Шартнома 2021-2028 йилларга мўлжалланган бўлиб, бу вақт оралиғида компания ОФКга 4 миллиард доллар ўтказиб беради.

ОФК президенти Шайх Салмон бин Иброҳим Ал Халифа DDMC Fortis раҳбари Йи Рентао билан учрашиб, компания билан ҳамкорликдан ҳар икки томон ютишини айтиб ўтди. Эслатиб ўтамиз, ҳозирги пайтда халқаро ўйинлар трансляция ҳуқуқи Lagardere компаниясига тегишли бўлиб, ОФК билан тузилган шартнома 2020 йил ўз якунига етади. Шундан сўнг DDMC Fortis ишга киришади.

Ҳавола :

Манба : championat.asia

Янгиликларни Телеграмда ўқинг!

Рейтинг: +8