ЎФФ ва ПФЛ Олий лига клублари раҳбарлари ва бош мураббийлари учун семинар ташкил қилди
16 дек 2015 18:28
Янгиликлар

ЎФФ ва ПФЛ Олий лига клублари раҳбарлари ва бош мураббийлари учун семинар ташкил қилди

Ўзбекистон Футбол Федерацияси ҳамда Ўзбекистон Профессионал Футбол Лигаси 16 декабрь куни Олий Лига клублари бош мураббийлари ҳамда раҳбарлари учун махсус семинар ўтказди.

Семинар кун бўйи давом этди. Унинг очилиш қисмида ЎФФ биринчи вице-президенти Сардор Рахматуллаев, Ўзбекистон Профессионал Футбол Лигаси бош директори Фарҳод Магометов, Ўзбекистон миллий терма жамоаси бош мураббийи Самвел Бабаян, ФИФА ва ОФК иструктори Ислом Аҳмедов, ЎФФ бошқарма бошлиғи Шавкат Имомов, техник бўлим бошлиғи Олим Орифов чиқиш қилдилар.

Семинар дастуридан ривожланиш тендециялари, Жаҳон Чемпионати-2014 таҳлили, тактик тенденциялар, футболчиларнинг психологик тайёргарлиги борасида ўқув-семинарлар, жисмионий тайёргарлик каби назарий машғулотлар, шунингдек, ҳужум ва ҳимоя, дарвозабон, стандарт вазиятларга бағишланган амалий машғулотлар ўрин олган эди.

Кун якунида фикрлар алмашинуви, савол-жавоблар ҳамда хулосалар учун вақт ажратилди.

Семинарнинг назарий машғулотлари “Пахтакор” стадионининг анжуманлар залида ўтказилди.