ЎФФ президенти "Цементчи"ни Суперлигага чиққани билан табриклади
24 ноя 2017 11:52
Янгиликлар

ЎФФ президенти "Цементчи"ни Суперлигага чиққани билан табриклади

Қувасойнинг "Цементчи" клуби 2017 йилги биринчи лигада 1-ўринни олди.

Шу муносабат билан ЎФФ президенти Умид Ахматджанов клуб президенти М.Д. Меҳмоновга табрик йўллади.

Ҳурматли Мўйсинжон Дадажонович! “Цементчи” футбол клубининг аҳил жамоасини футбол бўйича 2017 йилги Биринчи лига мусобақаларида муносиб иштирок этган ҳолда Супер Лигада иштирок этиш ҳуқуқини қўлга киритганлиги муносабати билан самимий табриклайман!

2017 йилги мавсумда чемпионлик пойгаси жуда шиддатли ва қизиқарли кечди. Йил сайин тажриба тўплаб, мухлислар меҳрини қозонаётган “Цементчи” футбол клуби Биринчи лига чемпиони бўлганлиги эътиборга лойиқдир.

Умид қиламан, “Цементчи” ютуқлар пиллапоясида юқори кўтарилишида давом этиб, 2018 йилги Ўзбекистон Супер Лигасида сермаҳсул ўйин кўрсатади ҳамда чемпионлик учун курашда етарлича рақобат кўрсата олади.

Ҳурмат билан, Ўзбекистон футбол федерацияси президенти У.Ахматджанов

Ҳавола :

Манба : championat.asia

Янгиликларни Телеграмда ўқинг!

Рейтинг: +40