UZ

Сўнгги янгиликлар

18:15​Суперлига. "Нефтчи" - ОКМК 0:0 (матнли трансляция)  3 17:59Де Дзерби: "Гринвуд дунёнинг энг футболчиларидан бирига айланиши мумкин"  3 17:57Суперлига. "Пахтакор" иккита пенальти тепилган ўйинда бир киши кам "Қизилқум"ни йирик ҳисобда енгди  37 17:35А Серия. "Ювентус" мавсумдаги илк мағлубиятини "Комо"дан қабул қилиб олди  4 16:50Симеоне ВАР ҳақида: "Уч киши ҳаммамиз кўриб турган нарсага қарама-қарши қарор қабул қилмоқда"  5 15:46Ўринбоев қанча муддатга сафга чиққани маълум бўлди  3 14:40"Челси" аргентиналик ҳужумчини сотиб олмоқчи  2 13:51Поттер Швеция терма жамоаси билан оғзаки келишувга эришди  1 12:40Вадим Абрамов: "Байрамга мухлисларга совға улашмасак бўлмасди"  3 12:25Александр Хомяков: "Ўзимиз хоҳлагандек ҳужумда ўйнай олмадик"  4 11:55Гонконг чемпионати. "Ли Ман" ва Турсуновда ғалаба  4 11:35Месси фаолиятини қаерда давом эттиришини ҳал қилди  27 10:45МЮ афсонаси "қизил иблислар"нинг учта футболчисини танқид қилди: "Улар ҳозирда АПЛ даражасида эмаслар"  4 10:35Лига 1. "Марсель" йирик ҳисобда ғалаба қозонди, Гринвуд покер қайд этди  1 10:16Мануэль Нойер Бундеслига рекордини ўрнатди  0

ЎФА тотализатор ва келишилган ўйинларда иштирок этган футболчи, ҳакам ва шахсларни жазолади ва бир умрга футболдан четлатди Янгиликлар

ЎФА тотализатор ва келишилган ўйинларда иштирок этган футболчи, ҳакам ва шахсларни жазолади ва бир умрга футболдан четлатди

Ўзбекистон футбол ассоциацияси Этика қўмитасининг навбатдаги йиғилишида бир қатор масалалар кўриб чиқилди.

Жумладан, Ўзбекистон Суперлигаси, Про лига ва Биринчи лиганинг бир қанча учрашувларида бош ҳакам сифатида ишлаган Э.Турсунов ўзининг таниши фуқаро Р.Сахобутдинов орқали хорижий букмейкерлик ташкилотлари вакиллари билан ўзаро тил бириктирган ҳолда ўйинларнинг натижасига таъсир ўтказиш ва тотализаторга пул тикиш орқали моддий манфаатдор бўлиб келган.

Мазкур ҳолат юзасидан Ўзбекистон футбол ассоциацияси Этика қўмитаси Э.Турсуновни Интизом кодексининг 5.60-банди билан айбдор деб топди ва унга нисбатан футбол билан боғлиқ фаолиятнинг барча туридан умрбод четлатиш жазоси тайинланди. Фуқаро Р.Сахобутдинов ҳам Интизом кодексининг ушбу банди билан айбдор деб топилиб, ўрганиш ишларига ёрдам берганлиги ва бошқа енгиллаштирувчи ҳолатлар инобатга олиниб, унга нисбатан футбол билан боғлиқ фаолиятнинг барча туридан 2 йил муддатга четлатилиш жазоси белгиланди.

Шунингдек, бир қатор футболчилар келишилган ўйинларда иштирок этганликда гумон қилинаётганлиги ҳолати юзасидан “Машъал” ПФК томонидан юборилган мурожаатни ўрганиш натижасида қуйидагилар аниқланди.

Хусусан, футболчилар С.Рахматуллаев ва Н.Павленколар хорижий букмейкерлик фаолияти билан шуғулланувчи ташкилот вакиллари билан ҳамкорлик қилиб, келишилган ўйинларда қатнашишга ҳаракат қилганлиги аниқланди. Ушбу футболчилар Ўзбекистон футбол ассоциацияси Этика қўмитаси томонидан Интизом кодексининг 5.52, 5.53, 5.60-бандларига асосан айбдор деб топилиб, уларга нисбатан футбол билан боғлиқ фаолиятнинг барча туридан 1 йил муддатга четлатиш ҳамда жарима интизом жазоси тайинланган.

Шу билан бирга, “Машъал” ПФК футболчилари Р.Ягудин ва Д.Тўхтабоевлар ЎФА Интизом кодексининг 5.53-бандига мувофиқ “Футбол бутунлигини (яхлитлигини) ҳимоя қилиш тўғрисидаги Декларация” бандларини бажармагани, яъни спорт меъёрий ҳужжатларига зид бўлган ҳар қандай уриниш ёки бошқа ноқонуний хатти-ҳаракатлар тўғрисида Ўзбекистон футбол ассоциациясининг Футбол фаолиятини назорат қилиш бўйича махсус инспекциясини ўз вақтида хабардор қилмагани учун айбдор деб топилиб, ҳар бирига жарима жазоси тайинланди.

Бундан ташқари, 2010-йилда (U-12) туғилган тарбияланувчилар ўртасида “Профессионал футбол мактаблари лигаси” Ўзбекистон кубоги доирасидаги Тошкент вилояти ФММ — Хоразм вилояти ФММ ўртасидаги учрашувни бошқарган ҳакамлар М.Орзидинов, Г.Бобомуродов ва М.Бегалиевларга ўйинни “тўғри” бошқаришлари учун “Хоразм” ПФКнинг ёрдамчи мураббийи М.Абдуллаев томонидан 3 млн. сўм миқдорида пул маблағлари берилган.

Мазкур ҳолат юзасидан Ўзбекистон футбол ассоциацияси Этика қўмитаси томонидан бош ҳакам М.Орзидиновга 2 йил муддатга, ҳакамлар Г.Бобомуродов ва М. Бегалиевларга 1 йил муддатга, “Хоразм” ПФКнинг ёрдамчи мураббийи М.Абдуллаевга эса 1 йил муддатга футбол билан боғлиқ фаолиятнинг барча туридан четлатиш интизом жазолари тайинланди.

Ўзбекистон футбол ассоциацияси келишилган ўйинларни аниқлаш бўйича ОФК, “Спортрадар” ва бошқа тегишли ташкилотлар билан билан мунтазам равишда ҳамкорлик қилиб келаётганлигини маълум қилади. Ўз навбатида, келгусида аниқланадиган ҳолатлар юзасидан айбдор шахсларга нисбатан қатъий чоралар кўрилиши тўғрисида огоҳлантиради.

Рейтинг: -16   

Фикрлар

championat.asia
< сўнгги янгиликларни кўриш
Яндекс.Метрика