Одилбек Ҳамробеков: "Юлдузлик касалига учрамаганлар ўсишга эришади"

"Кўрсатган ўйинимиздан халқимиз хурсанд бўлган бўлса, биз ҳам албатта мамнунмиз. Юртимизга бу тоифа футболига янги саҳифа очиб қайтмоқчи эдик. Афсуски бунга эриша олмадик. Кейинги мундиалларга бундан ҳам кўпроқ ишлаб, ҳаракат қиламиз. Ўзбекистон футболи келажагига янги саҳифа очишимизга барибир ишонаман. Бу натижамизда тўхтаб қолмасдан кўпроқ ишлаш ва ҳаракатни давом эттирамиза. Бошқачароқ айтганда "юлдузлик касали"га учраб қолмаганлар ўсишга эришади"

"Барча учрашувларда майдонга тушдим ва барчасидан кўнглим тўлди десам нотўгри бўлади. Жамоавий ўйин ҳисобига бошқа жамоалардан яхшироқ ҳам ўйин кўрсатдик. Шахсан ўзим Гондурас ва Сенегал билан ўйинларимдан қониқдим. Қолган ўйинларда ҳам ҳаракат қилдим лекин тўла кўнглим тўлди дея олмайман"

"Мен ҳар доим "Насаф" ва ватаним шарафини ҳимоя қилганимдан ғурурланаман",  - дейди Одил Ҳамробеков.