Одил Аҳмедов: "Учинчи босқичда кучсиз жамоа бўлмайди"
25 мар 2016 15:49
Янгиликлар

Одил Аҳмедов: "Учинчи босқичда кучсиз жамоа бўлмайди"

Ўзбекистон - Филиппин учрашувидан (1:0) сўнг, миллий жамоамиз сардори Одил Аҳмедов учрашув ҳақида фикр билдирди.

"Учрашувда биринчи гол жуда муҳим эди. Филиппин сафида четлатиш бўлганидан сўнг, рақиб ҳимояга ётиб олди ва вазифамиз янада оғирлашди. Улар 11 киши бўлиб ўйнагани яхши эди.

Биринчи бўлимдан сўнг мураббий бизга ўз ўйинимизни кўрсатишни айтди. Марказдан ёриб кириш қийин бўлгани сабаб, кўпроқ қанотларга мурожаат қилдик.

Бабаянни кучли томони, у ҳар бир футболчининг тилини топиб, жамоани руҳлантира олади.

Қўлдан бой берилган вазиятларда бизнинг айбимиз бор, аммо рақиб жамоа дарвозабони бугун жуда яхши ўйин кўрсатди. Асосийси уч очкони қўлга киритдик.

Кейинги босқичга расман чиқмаган бўлсакда, учинчи раундда кимга тўқнаш келишимизни фарқи йўқ. Бу босқичда кучсиз жамоа бўлмайди. Олдимизга қўйилган вазифа мунидал йўлланмасини қўлга киритиш" - дейди Одил Аҳмедов.