ОЧЛни ютган жамоада бош мураббий ўзгарди
24 дек 2020 20:47
Янгиликлар

ОЧЛни ютган жамоада бош мураббий ўзгарди

Бу мавсум ОЧЛда ғолибликни қўлга киритган "Ульсан Хюндай" клуби мураббийлар штабида ўзгариш рўй берди.

Жамоани шу пайтгача бошқариб келган Ким До Хун истеъфога чиқиб, унинг ўрнини Жанубий Корея футболи афсоналаридан бири Хонг Мюнг Бо эгаллади. Хонг Мюнг Бо футболчилик фаолияти давомида Жанубий Кореядан ташқари Япония ва АҚШда ҳам тўп тепган. Шунингдек, ЖЧ-2002да терма жамоа сардори бўлган.

"Ульсан Хюндай" гарчи бу йил Осиё чемпионлар лигасида зафар қучган бўлса-да, кетма-кет иккинчи бор миллий чемпионатда иккинчи ўринни банд этди. Шу боис клуб раҳбарияти кейинги йил мамлакат чемпиони бўлиш мақсадида янги мураббийни таклиф қилди.

Ҳавола :

Манба : the-afc.com

Янгиликларни Телеграмда ўқинг!

Рейтинг: +5