ОЧЛ. Хави Тошкентга келмайди, "Пахтакор"нинг учинчи рақиби - "Ал Жазира"

ОЧЛ. Плей-офф.

"Ал Жазира" (БАА) - "Ал Садд" (Қатар) 2:2 (пенальтилар серияси: 5-4)

Голлар: Ҳ.Алсенҳожи (22, 88), К.Жонес (45), Мабҳут (65).

Учрашувнинг асосий вақтига кучлар тенг келди. Кейинчалик ғолибни аниқлаш учун қўшимча таймларга ўтилди. Яна 30 дақиқа давом этган ўйинда ҳисоб ўзгармади ва жамоалар "лоторея" орқали ўз омадларини излашди.

Пенальтилар сериясида омад "Ал Жазира" тарафда бўлди. Шуни алоҳида қайд этиш керакки, Хави "Ал Садд"нинг дастлабки пенальтисини бажарди ва уни муваффақиятли амалга ошира олмади. Якунда эса бу қатарликларга қимматга тушди.

Шундай қилиб "Пахтакор" ўрин олган "C" гуруҳининг тўртинчи жамоаси номи маълум - "Ал Жазира". Ушбу гуруҳда шунингдек яна "Тракторсози" (Эрон) ва "Ал Ҳилол" (СА) жамоалари бор.