ОЧЛ. “Лехвия” – “Гуангжоу” (1:4) ўйинидан кейинги фикрлар

Марчелло Липпи (“Гуангжоу Эвергранд” бош мураббийи): - Бу ўйинга кучли ёндошдик, шу боис ҳам ғалаба қозондик деган фикрдаман. Жамоамиз ўз олдига юқори мақсадларни қўймоқда. Шулардан бири – ОЧЛ соҳиби бўлиш. Албатта, ярим финалга чиққанимиздан хурсандмиз, лекин ҳали вазифани охиригача бажарганимиз йўқ. Дастлабки икки гол урганимиздан сўнг ўйин биз учун анча осон кечди. Дастлабки голни омад туфайли киритдик, иккинчи голни ажойиб тарзда амалга оширилган жарима тўпидан урдик. Менга шунингдек, кейинги иккита гол ҳам ёқди.

Эрик Геретс (“Лехвия” бош мураббийи): - ОЧЛни ютишга бўлган ҳаракатларимиз бесамар кетди. Энди биз учун бу йилги мусобақа тугади. Ўйиннинг дастлабки 15 дақиқасини яхши ўтказиш билан узоққа бориб бўлмайди. Ғалаба қозониш учун ўйиннинг бошидан охиригача яхши ҳаракат қилиш лозим. Рақиб гол ургач, биз учун ҳаммаси тугади. Чунки тўртта тўп киритишимизга тўғри келарди. Биз рақибга ҳар томонлама мағлуб бўлдик. Тан олиш керак, “Гуангжоу”дек жамоага тўртта гол уриш осон эмас.