ОЧЛ. Ҳозирча Махарадзе ва Тўраев энг яхшиси!

"Пахтакор" ўз майдонида Форс кўрфазининг бугунги кундаги энг яхши клуби бўлиб турган "Нафт"ни, "Бунёдкор" эса сафарда Саудия Арабистонининг энг яхши клуби бўлиб турган "Ал Наср"дан очко олди.

Тўғрисини айтганда, минг жамоаларимизга мухлислик қилмайлик, на "Пахтакор"дан, на "Бунёдкор"дан бундай натижа кутмагандик.

"Нафт" 2014 йил сўнгги турда "Сепахон"га имкониятни бериб чемпионликдан маҳрум бўлган эди. "Ал Наср" эса бор-йўғи битта мағлубиятга учраган ҳолда мамлакат чемпионлигини қўлга киритди.

"Бунёдкор" гол урганидан кейин пойтахтликлар бор эътиборни ҳужумга қаратдилар. Бу вазиятда жамоани камида 4та вазиятда муқаррар голдан қутқарган футболчи Акбар Тўраев бўлди. Шу боисдан, "CA", "Ал Наср" - "Бунёдкор" учрашувининг энг яхши футболчиси деб Акбар Тўраевни танлади.

"Пахтакор" - "Нафт" ўйинида ўртани ушлаб турган футболчи Кахи Махарадзе бўлди. Шерзод Каримовнинг тўп узатишини ўзиёқ шедевр бўлди. Аммо бизда бундай шедеврларни камдан-кам ҳолларда голга айлантира олишади. Кахи эса муҳим паллада, муҳим голни ура олди. Ундан ташқари, қолган дақиқаларда ҳам жамоасини ҳам ҳимояда, ҳам ҳужумда ушлаб турди. "CA"нинг талқинига кўра, айнан грузиялик футболчи ўйиннинг энг яхши футболчиси бўлди. 

П.С: ОФК талқинига кўра ҳам, айнан мана шу икки ўйинчи учрашувнинг энг яхшиси бўлишди.

Нодирхўжа Юлдашев