ОЧЛ. “Бунёдкор” Дохадаги қаҳрамонликни Ар Риёдда кўрсата оладими?
14 май 2014 13:01
Янгиликлар
ОЧЛ. “Бунёдкор” Дохадаги қаҳрамонликни Ар Риёдда кўрсата оладими?
Бугун Осиё чемпионлар лигасининг 1/8 финал босқичидан ўрин олган “Ал Ҳилол” ва “Бунёдкор” ўртасида жавоб баҳси бўлиб ўтади.
Яхши биласиз, Тошкентда ўтказилган биринчи ўйинда “Ал Ҳилол” 1:0 ҳисобида ғалаба қозониб кетганди. Энди “Бунёдкор”нинг бор умиди жавоб учрашувидан.
Кеча кечки пайт ўйинолди матбуот анжумани ўтказилди ва унда иштирок этган “Бунёдкор” мураббийи Александр Волков жамоа бугунги ўйинга тайёрлигини ва ғалаба қозониш учун режа ишлаб чиққанини маълум қилди. Қандай режа эканлигини эса ўйин пайтида билиб оламиз. Умуман олганда, учрашувга бўлган қизиқиш катта. “Бунёдкор”нинг кузги баҳсларда ўйнаш-ўйнамаслиги бугун маълум бўлади.
Дастлабки беллашувда кўрдикки, “Ал Ҳилол” анча жиддий рақиб. Аммо уларни мағлуб этса бўлади. Мана гуруҳ ўйинларида “Ал Жаиш”ни кучли дегандик, лекин “Бунёдкор” уларни гуруҳда қолдириб кетди. Лекин фарқи шундаки, “Ал Ҳилол”да ОЧЛда ўйнаш борасида тажриба катта. Улар мусобақанинг мунтазам иштирокчиси ҳисобланади, “Ал Жаиш” эса биринчи бор қатнашди ва тажрибасизлиги панд берди.
Бугунги ўйинга 50 минг мухлиснинг ташриф буюриши кутиляпти. Маълумки, “Ал Ҳилол” уй учрашувларида “Қирол Фаҳд” стадиони доим тўлади. У ердаги муҳит ҳам бошқача бўлади. Мухлислар рақиб ўйинчиларини издан чиқаришга ҳаракат қилишади, аммо “Бунёдкор” лиқ тўла стадионларда тўп тепавериб ўрганиб қолган, бу билан жамоани руҳий эзиш мушкул.
Агар “Бунёдкор” 1:0 ҳисобида ғалаба қозонадиган бўлса, қўшимча бўлимлар белгиланади, кейин навбат пенальтилар сериясига бориши мумкин. Агар “Бунёдкор” Дохадаги қаҳрамонликни Ар Риёдда ҳам кўрсата олса, чорак финалга йўл олади. Йўқса йўлни “Ал Ҳилол”га бўшатиб беришга тўғри келади. Демак, Волков шогирдларидан қаҳрамонликни кутиб қоламиз.
Х.Холиқов.
Кеча кечки пайт ўйинолди матбуот анжумани ўтказилди ва унда иштирок этган “Бунёдкор” мураббийи Александр Волков жамоа бугунги ўйинга тайёрлигини ва ғалаба қозониш учун режа ишлаб чиққанини маълум қилди. Қандай режа эканлигини эса ўйин пайтида билиб оламиз. Умуман олганда, учрашувга бўлган қизиқиш катта. “Бунёдкор”нинг кузги баҳсларда ўйнаш-ўйнамаслиги бугун маълум бўлади.
Дастлабки беллашувда кўрдикки, “Ал Ҳилол” анча жиддий рақиб. Аммо уларни мағлуб этса бўлади. Мана гуруҳ ўйинларида “Ал Жаиш”ни кучли дегандик, лекин “Бунёдкор” уларни гуруҳда қолдириб кетди. Лекин фарқи шундаки, “Ал Ҳилол”да ОЧЛда ўйнаш борасида тажриба катта. Улар мусобақанинг мунтазам иштирокчиси ҳисобланади, “Ал Жаиш” эса биринчи бор қатнашди ва тажрибасизлиги панд берди.
Бугунги ўйинга 50 минг мухлиснинг ташриф буюриши кутиляпти. Маълумки, “Ал Ҳилол” уй учрашувларида “Қирол Фаҳд” стадиони доим тўлади. У ердаги муҳит ҳам бошқача бўлади. Мухлислар рақиб ўйинчиларини издан чиқаришга ҳаракат қилишади, аммо “Бунёдкор” лиқ тўла стадионларда тўп тепавериб ўрганиб қолган, бу билан жамоани руҳий эзиш мушкул.
Агар “Бунёдкор” 1:0 ҳисобида ғалаба қозонадиган бўлса, қўшимча бўлимлар белгиланади, кейин навбат пенальтилар сериясига бориши мумкин. Агар “Бунёдкор” Дохадаги қаҳрамонликни Ар Риёдда ҳам кўрсата олса, чорак финалга йўл олади. Йўқса йўлни “Ал Ҳилол”га бўшатиб беришга тўғри келади. Демак, Волков шогирдларидан қаҳрамонликни кутиб қоламиз.
Х.Холиқов.
championat.asia
Снейдер "Олтин тўп" ҳар доим ҳам муносибларга насиб этмайди деб ҳисоблайди
Мираброр Усмонов Кубоги-2025. Ўзбекистон U-23 терма жамоаси Саудия Арабистонига ҳеч қандай имконият қолдирмади
Ўзбекистон МТЖ аъзоси фаолиятини "Андижон"да давом эттириши мумкин
Аббос Файзуллаев тиббий кўрикдан ўтолмагани ҳақидаги хабарлар ҳақиқатга тўғри келмайди
Фикрлар