ОЧЛ. Бугун "Локомотив" ва "Бунёдкор" ўйнайди

Тошкентнинг "Локомотив" клуби ўз майдонида Қатарнинг "Ал Садд" клубини қабул қилади. Соат 16:00да бошланадиган ўйинда Вадим Абрамов шогирдларини фақат ғалаба қониқтиради. Қатардаги учрашувда мезбонлар 6:2 ҳисобида зафар қучишганди. Бугунги баҳсда "темирйўлчилар"ни қўллаб қувватлаш учун барча мухлисларни ТТЗдаги "Локомотив" стадионига чорлаймиз.

Сергей Лушан бошчилигидаги "Бунёдкор" клуби Қатарда "Лахвия" меҳмони бўлади. "Қалдирғочлар"га ҳам ғалаба сув ва ҳаводек зарур. Тошкентда ўтган баҳсда "Лахвия" пенальтидан урилган гол эвазига ғалабага эришганди. Бугунги ўйин Тошкент вақти билан соат 20:30да бошланади.

Бугунги учрашувларда иккала жамоамизга ҳам омад тилаймиз!