Ma'lumki, Tehrondagi "Ozodi" stadionida kechgan bahs 1:1 hisobida yakun topdi va "Persepolis" bu yilgi OCHL musobaqasining dastlabki finalchisiga aylandi. Bugun Janubiy Koreyada bo'lib o'tadigan o'yindan so'ng ikkinchi finalchi nomi ma'lum bo'ladi.
Bugun "Suwon World Cup Stadium" o'yingohida "Suvon Samsung" klubi Yaponiyaning "Kashima Antlers" jamoasini qabul qiladi. Bahs bizning vaqt bilan 15:00da boshlanadi. Eslatib o'tamiz, birinchi o'yinda "Kashima" klubi o'z maydonida 3:2 hisobida zafar quchgan. Bugungi o'yinni OCHL tarixida ilk bor aqshlik hakam Mark Geyger boshqaradi.
