ОЧЛ-2021. Машарипов дастлабки 2 турни ўтказиб юборади

“А” гуруҳидан жой олган БААнинг “Шабаб Ал Аҳли” жамоаси илк тур учрашувини эртага “Истиқлол” (Тожикистон)га қарши ўтказади.

Аввалроқ, Жалолиддин Машарипов мусобақада қатнашиш учун жамоаси билан Ар-Риёдга етиб келгани ҳақида хабар бергандик. Бироқ, Машарипов дисквалификацияси туфайли эртанги ва 2-турдан ўрин олган “Ал Ҳилол” (С.Арабистони)га қарши учрашувда ҳам “Шабаб Ал Аҳли”га ёрдам беролмайди.

У ОЧЛ ўтган мавсум чорак финали доирасида ўтган “Персеполис” – “Пахтакор” (2:0) баҳсида эронлик футболчига қарши қўпол ҳаракат қилгани учун қизил карточка олганди. 

Шундай қилиб, 27 ёшли вингер 21 апрелга белгиланган 3-тур доирасидаги АГМКга билан ўйинда майдонга қайтиши мумкин.