ОЧЛ-2020. Эрон клублари ОФК билан келишувга эришди, бойкот бўлмайди

“Эрон эртаги кутилган тарзда якунланди. Бугун Чемпионлар Лигасида иштирок этувчи тўртта клуб Эрон футбол федерациясининг вақтинчалик бош котиби билан бирга ОФК бош котиби билан учрашишди ва келишиб олишди:

1. ОФК қарорига кўра, Эронда бўлиб ўтиши керак бўлган плей-офф баҳслари Амирликларга кўчирилди, ўйинлар шанба куни Дубай ва Шаржада ўтказилади.

2. Эрон клублари гуруҳ босқичининг биринчи даврасини сафарда ўтказишади, уй ва меҳмондаги учрашувларни ўзгартирган ҳолда. (Масалан, “Бунёдкор” гуруҳ босқичига чиқса, 11 февраль кунги “Сепахон” билан баҳс Исфахонда эмас, Тошкентда бўлади). Тўртинчи турга келиб, тегишли қарор қабул қилинади ва ўйинлар Эронда ўтказиладими ё йўқ аниқланади. (Аслида, барчаси ФИФА ЖЧ-2022/Осиё Кубоги-2023 саралашидан ўрин олган Эрон ва Гонконг ўртасидаги беллашувни қаерда ўтказишига боғлиқ)

Шундай қилиб, бойкот бекор қилинди. Барча, баланд оҳангдаги баёнотлар ҳавода қолди”, – дея қайд этган Алишер Никимбаев.