“Обод” йиғинида бир қатор янги футболчилар

Булар Мирзакамол Камолов, Абдулатиф Абдуқодиров ва Дилшод Ҳамроевдир. Камоловнинг айтишича, у спорт формасини йўқотмаслик мақсадида вақтинчалик жамоа машғулотларида иштирок этиб туришини мураббийлардан сўраган. Мирзакамолга айни дамда олий лиганинг бир қатор клубларидан таклифлар бўлаётгани айтилаётир. Аммо футболчи аниқ бир тўхтамга келмади. Ўтган мавсум “Андижон” шарафини ҳимоя қилган Абдуқодиров эса “бургутлар” билан хайрлашгач, “Обод”дан таклиф олган кўринади. Хуқуқий жиҳатдан “Бунёдкор”га тегишли бўлган дарвозабон Дилшод Ҳамроев эса афтидан жорий масумни ижара асосида “Обод”да ўтказадиган бўлиб турибди.