Обид Жўрабоев: “Очко йўқотишга ҳаққимиз йўқ”

Ушбу учрашувдан олдин “Андижон” клуби футболчиси Обид Жўрабоев ўз фикрлари билан ўртоқлашди.

“Бизни 29 август куни клуб базасига чақириб олишган эди. Деярли танаффус бўлмади. Фақат икки маҳалдан машғулотлар ўтказдик. Кўпроқ жисмоний ҳолатга эътибор қаратдик. 6 сентябрь куни Тошкентга келганимиздан сўнг машғулотлар бир маҳалдан ўтказила бошланди.

Бугун “Сўғдиёна” жамоасига қарши баҳс олиб борамиз. Жиззах жамоаси кучли ўнликда бўлмаса ҳам ўз уйида ҳар қандай рақибга кучли қаршилик кўрсата олади. Бундан аввалги турда Фарғонанинг “Нефтчи” жамоасини мағлуб этди. Биз ҳам шунга яраша кучли тайёргарлик кўрдик. Уларга ҳам бизга ҳам 3 очко жуда муҳим. Биз кўпроқ очко жамғаришимиз керак. Деярли мусобақанинг оҳирги поғонасида боряпмиз.

Агарда бугун мағлуб бўлсак кейинги ўйинларда очко ишлаб олиш жуда ҳам мураккаблашади. “Насаф”, “Машъал” каби кучли клубларга қарши тўп теп тепишимиз керак. Бу учрашувлар жуда қийин бўлади. Уйимизда “Қўқон-1912” ва “Бухоро” жамоасига мағлуб бўлганимиздан сўнг жуда ҳам оғир бўлди. Насиб қилса бугунги ўйинда ғалаба қозониш учун бор кучимиз билан уриниб кўрамиз. Лекин, очко йўқотишга ҳаққимиз йўқ”, - дейди “Андижон” клуби футболчиси Обид Жўрабоев.

Жаҳонгир Сотволдиев