Обид Жўрабоев: "Динамо"нинг олдига Суперлигага чиқиш вазифаси қўйилган"
31 мар 2021 12:10
Янгиликлар

Обид Жўрабоев: "Динамо"нинг олдига Суперлигага чиқиш вазифаси қўйилган"

Про лиганинг иккинчи туридан ўрин олган "Истиқлол" - "Динамо"(1:2) учрашувидан сўнг меҳмон жамоа сардори Обид Жўрабоев фикрларини билдириб ўтди.

"Иккинчи турда Фарғонада "Истиқлол" меҳмони бўлдик. Рақибимиз ўтган турда мағлубиятга учраганди. Умуман олганда қийин ўйин ўтказдик. Биринчи бўлимда бироз тушунмовчиликлар кузатилди. Танаффусда мураббийимиз тўғри кўрсатмалар бергани натижасида иккинчи бўлимда яхшироқ ўйнадик. Самарқандлик мухлисларни, клуб раҳбарларини ва жамоадошларимни ғалаба билан табриклайман. Ўйин қандай ўтганидан қатъий назар натижа барчани қониқтирди, деб ўйлайман. "Динамо"га ўтган мавсумнинг иккинчи даврасида келиб қўшилдим. Тўғриси озгина омадимиз келмади. Клубда барча шароитлар яратиб берилган. Камчиликлар йўқ. Олдимизга фақатгина Суперлигага йўлланма олиш вазифаси қўйилган",- дейди Обид Жўрабоев.

Ҳавола :

Манба : championat.asia

Янгиликларни Телеграмда ўқинг!

Рейтинг: +1