"Gettyimages"га сурат юкловчи баъзи фотомуҳбирлар таътил вақтида ҳам жим ўтиришгани йўқ. Уларнинг айни дамдаги нишони Лионель Месси. Аргентиналик ҳозир жамоадоши Луис Суарес ва "Челси" ярим ҳимоячиси Сеск Фабрегас билан Ибица оролларида оилавий таътилга чиққан.
Улар "Seven C" номли яхтада дам олаётгани акс этган сурат кўплаб нашрларда чоп этилди.
Луис Суарес, Лионель Месси ва Сеск Фабрегас оилалари яқин дўст ҳисобланишади. Бир неча ҳафта олдин Месси ва Суареснинг аёллари ҳамкорликда оёқ кийимлари дўконини очишган эди.
