Нуну Эшпириту Санту "Тоттенхэм"дан қанча маблағ ундириб олиши маълум бўлди

Манбанинг хабарига кўра, португалиялик мураббий Лондон клубидан 14 миллион фунт (16,5 миллион евродан ортиқ) товон пули олади. Агар "Тоттенхэм" Англия Премьер-лигасида кучли олтиликка кирмаганида, клуб мавсум охиридагина у билан текинга хайрлашиши мумкин эди.

Дам олиш кунлари "Тоттенхэм" ўз майдонида "Манчестер Юнайтед"га йирик 0:3 ҳисобида ютқазиб, турнир жадвалида саккизинчи ўринга тушиб кетди. "Шпорлар"нинг янги бош мураббийи Антонио Конте бўлиши мумкин, у мавсум учун 15 миллион евро маош талаб қилмоқда.