Норвегия термасининг 15 ёшли футболчиси Евросаралашлар тарихидаги энг ёш ўйинчига айланди
14 окт 2014 12:43
Янгиликлар

Норвегия термасининг 15 ёшли футболчиси Евросаралашлар тарихидаги энг ёш ўйинчига айланди

Футбол бўйича Норвегия терма жамоасининг ҳужумкор ярим ҳимоячиси Мартин Эдегор Европа чемпионати саралаш баҳсларида майдонга тушган энг ёш футболчига айланди, дея хабар бермоқда Infostrada.

15 ёшли футболчи Болгария терма жамоасига қарши учрашувда (2:1) 64-дақиқада захирадан майдонга тушиб, Евро-2016 саралашидаги илк ўйинини ўтказди.

Шундай қилиб, 15 ёшу 300 кунлигида терма жамоа либосида майдонга тушган Эдегор Европа миқёсида рекорд қўйди.

Қайд этиш жоиз, «Стремсгодсет» ўйинчиси миллий терма жамоада аввалроқ – 27 август куни БАА термасига қарши кечган баҳсда (0:0) дебют қилиб бўлганди.

Эътиборли томони, Мартин Эдегор Норвегия чемпионатида гол урган энг ёш футболчи ҳам ҳисобланади.

Ҳавола :

Манба : kun.uz

Янгиликларни Телеграмда ўқинг!

Рейтинг: