Нўъмон Ҳасанов: "Насаф" учрашувда устунлик қилди"
17 фев 2016 17:20
Янгиликлар

Нўъмон Ҳасанов: "Насаф" учрашувда устунлик қилди"

Теглар : Нўъмон Ҳасанов матбуот анжумани

Ўзбекистон Суперкубоги учрашувидан сўнг ташкил этилган матбуот анжуманининг биринчи қисмида "шерлар" бош мураббий Нўъмон Ҳасанов иштирок этди.

"Бугунги ютуқ билан "Насаф" жамоасини табриклайман. Ўз жамоамга катта раҳмат. Улар бугун қўлларидан келганича ҳаракат қилишди. Уларга миннатдорчилик билдираман. Етакчи футболчиларимиз? Ҳа улар жамоани тарк этишди. Ёшларга имконият беришда давом этамиз. Ўйинга келадиган бўлсак, дастлабки 20 дақиқадан сўнг Машариповни алмаштиришим керак эди. Ҳа энди ўйинга киришиб кетади деб кутдик. Аммо бу футболчи ишончни оқлай олмади. Гол бўлган вазиятда Машарипов ва Андреев Геворкянни қўриқлаши керак эди. Аммо улар футболчини ёлғиз қолдиришди. Биз учрашув дебютини ва сўнгги дақиқаларда ташаббус билан ўйнадик. Учрашувнинг асосий қисмида "Насаф" тўлиқ устунлик билан ўйнади. Нима бўлганига тушунмадим? Балки чарчагандирмиз. Чунки кўплаб футболчиларимиз терма жамоа ихтиёридан куни кеча етиб келишди. Игорь Сергеев? Игорь бугун анча курашди. Ҳаракат қилди, аммо унга гол уриш учун қулай вазиятни юзага келтириб бера олмадик. Рибкин ҳақида гап кетадиган бўлса, у албатта Лобанов эмас. Никита кўпроқ оёқ билан ўйнашни истардим. Лобанов жамоамиз учун катта йўқотиш бўлди", - деди Нўъмон Ҳасанов.

Ҳавола :

Манба : championat.asia

Янгиликларни Телеграмда ўқинг!

Рейтинг: +3