Нодари Кавтарадзе Москвага жўнаб кетди
14 июл 2023 11:51
Янгиликлар

Нодари Кавтарадзе Москвага жўнаб кетди

Жамоамизнинг грузиялик легионери Нодари Кавтарадзе Суперлиганинг қолдирилган 8-турида Тошкентда “Пахтакор”га қарши беллашувда оёғидан жароҳат олиб, сафдан чиққанди.

Олдин хабар берганимиздек, футболчига жарроҳлик столига ётиши зарур ва бу амалиёт Москвада ўтказилиши режалаштирилган.

Шу мақсадда Нодари 9 июль куни аввал Тбилисидан Тошкентга келди ва Москвага операциядан олдинги тиббий текширувга йўл олаётганлиги учун ҳужжатлаштириш ишлари билан машғул бўлди.

"Андижон" клуб раҳбарияти Нодари билан мунтазам алоқада бўлиб турибди. Футболчи кеча кечки пайт 19:20 да Тошкент-Москва йўналишида Россия пойтахтига жўнаб кетган.

Москвадаги тиббий текширувдан сўнг, Кавтарадзенинг қачон операция қилиниши маълум бўлади.

Ҳавола :

Манба : championat.asia

Янгиликларни Телеграмда ўқинг!

Рейтинг: +1