Нигерия ҳаваскорлар лигасининг икки ўйинида жами 146 та гол киритилди

Футбол учун бунчалик ноодатий ҳисобларга сабаб эса, плей-оффнинг сўнгги тури олдидан "Полис Машин" ва "Плато Юнайтед Фидерс" жамоаларининг бир ҳил очко тўплаганликлари эди. Ушбу жамоалар сўнгги турда ғалаба қозонгани тақдирида, кейинги босқичга йўл оладиган жамоани тўплар нисбати аниқлаб бериши керак эди (ўйиндан аввал тўплар нисбати ҳам жамоаларда тенг бўлган).

"Плато Юнайтед Фидерс" кўпроқ гол киритгани туфайли у биринчи ўринни олиши лозим эди. Аммо мусобақа раҳбарлари иккала ўйиннинг ҳам натижаларини бекор қилишди. Нигерия футбол федерациясининг, мусобақалар қумитаси раҳбари Муҳаммад Сануси, бўлган воқеани “шармандалик” деб атади.

Унинг сўзларига кўра, ҳаваскорлар лигаси раҳбарияти, ушбу ўйинлар юзасидан қарорни тез кунларда қабул қилади. Ҳаваскорлар лигаси ижроқум котиби Эммануэль Адесанья ғолибларни “фирибгарлар жамоаси” деб атади, ва уларга лигада ўрин йўқлигини айтди. У шунингдек, ўйинларда ишлаган ҳакамлар белгиланмаган муддатга ишдан четлатилганлигини хабар қилди.