25 ёшли футболчи бу совринга учинчи марта (2014, 2015, 2017) эга чиқди ва «Пари Сен-Жермен» ҳимоячиси Тиаго Силвага (2011, 2012, 2013) етиб олди.
Ушбу соврин Европа қитъасида ўйнаётган бразилиялик футболчига топширилади. Ғолибни журналистлар, мухлислар ва собиқ футболчилар аниқлашади.
Бу йилги сўровнома натижалари: Неймар (27,71%), Филиппе Коутиньо («Ливерпуль», 16,64%), Марсело («Реал», 14,43%), Паулиньо («Барселона», 13,64%) ва Каземиро («Реал», 7,19%).
50 минг мухлис энг яхши деб Паулиньони тан олишди (31,83%), собиқ футболчилар Неймарни (39,39%), журналистлар эса Марселони энг яхши (30,30%) деб топишди.
